Nur-Sultan qalasynyń Tótenshe jaǵdaılar departamenti «Qazgıdromet» RMK derekteri boıynsha 9 jeltoqsanda burqasyn kútiletinin habarlaıdy.
«Elorda turǵyndary men qonaqtaryna qyraǵy bolýǵa, aýa raıynyń ózgerýi jáne engizilgen shekteýler týraly aqparatty jiti qadaǵalaýǵa keńes beriledi. Qurylys nysandaryna halyqty jáne aýmaqty qolaısyz aýa raıy jaǵdaılarynyń áserinen qorǵaý jóninde qosymsha sharalar qabyldaý, múmkindiginshe qurylys nysandaryndaǵy qurylys-montaj jumystarynyń qyzmetin shekteý qajet», - delingen tótenshe jaǵdaılar departamentiniń habarlamasynda.
Sonymen qatar qutqarýshylar boran kezindegi halyqtyń is-áreketterin atap ótti:
- Terezelerdi, esikterdi, shatyr lıýkterin jáne jeldetkish sańylaýlardy tyǵyz jabyńyz;
- Balkondar men tereze aldy taqtaılarynan aýa aǵyny basyp qalýy múmkin zattardy alyp tastańyz;
- Eldi mekennen tys jerlerge shyqpaýǵa tyrysyńyz ;
- Jalǵyz shyqpaýǵa tyrysyńyz.
Eger siz jolda bolsańyz:
- Úlken joldar men tas jolda ǵana júrińiz.
- Mashınadan shyqqan kezde odan alystamaýǵa tyrysyńyz.
- Mashınanyń aqaýlyǵy bolsa nemese jol kórinbese: joldyń jıegine toqtańyz; úzilissiz gýildermen dabyl berińiz, sorǵyshty (kapot) kóterińiz nemese antennaǵa ashyq tústi matany ilińiz, avtokólikte kómek kútińiz.
Tótenshe jaǵdaılar departamenti tótenshe jaǵdaı týyndaǵan kezde «112» nómirine qońyraý shalý keregin eskeredi.