Stýdentterdiń sessııasy qalaı ótedi?

Bilim jáne ǵylym vıse-mınıstri Mıras Dáýlenovtiń málimdeýinshe, elimizdegi stýdentterdiń basym bóligi qashyqtan oqytý formatynda bilim alyp jatyr. Degenmen, shtattyq rejimde oqyp júrgen izdenýshiler de bar.

– Elimizdegi stýdentterdiń 84 paıyzy qashyqtan oqyp jatyr. Olar – negizinen gýmanıtarlyq sala­da daıarlanyp jatqan kadr­lar. Al qalǵany ishinara shtattyq rejim­de bilim alyp júr. Qashyqtan oqytý qolaısyz bolǵandyqtan medı­sınalyq, ınjenerlik-tehnıkalyq mamandyqtardyń stýdentterine aralas formatta bilim berýge sheshim shyǵarylǵan. JOO kúzgi semestrge daıyndyǵy men bilim berý sapasyn qamtamasyz etý maqsatynda mı­nıstrlik shekteý sharalary kezeń­inde joǵary oqý oryndarynda oqý prosesin uıymdastyrý boıynsha ádistemelik usynymdar ázirledi. Ádistemelik usynymdarǵa sáıkes joǵary oqý oryndary aralyq jáne qory­tyndy attestattaý prosedýralaryn proktorıng júıesimen qam­tamasyz etedi, sondaı-aq stýdent­terdiń barlyq jazbasha jumystary antıplagıat júıeleri arqyly tekseriledi, – dedi vıse-mınıstr.

Vedomstvo ókili stýdentterdiń barlyq jazbasha jumysy «SEB», «Aero», «Examus», «Proctopus», «Oqylyq», «OES», «Live.atu.kz», «Hesperus» sekildi proktorıng júıeleri jáne kóshirip alýdy anyq­taıtyn «Antıplagıat», «Plagiat.pl», «Strikeplagiarism.com», «Turnitin», «Unihub» júıelerimen tekseri­letinin jetkizdi.

Bilim jáne ǵylym salasyndaǵy sapany qamtamasyz etý komı­tetiniń tóraǵasy Gúlzat Kóbe­novanyń sózine sensek, joǵary oqý oryn­daryndaǵy bilim berý jaǵ­daıy, ondaǵy sapa tek sessııa ke­zinde ǵana emes, udaıy baqy­laý­da bolady.

– Negizinen joǵary oqý oryn­dar­yndaǵy bilim sapasyna sessııa ýaqytynda ǵana emes, jalpy oqý prosesi kezinde de monıtorıng júr­­gizilip otyrady. Proktorıng júıe­sinde mınıstrlik pen ýnıversıtet tarapynan emtıhandardy da, kún­­delikti sabaqtardyń ótkizilý ba­ry­syn da baqylaýǵa bolady. Son­­dyq­tan nátıjelerdi udaıy kórip oty­rýǵa múmkindik bar, – dedi G.Kóbe­nova.

Mınıstrliktiń málimetine qara­ǵanda, proktorıngtiń avtoproktorıng, sınhrondyproktorıng sekildi birneshe deńgeıi bar. Bul kezeń­derden ótkende stýdentterdiń aldymen júıege óziniń kirgen-kirmegeni bet-álpetin sáıkestendirý arqyly anyqtalady. Sodan keıin emtıhan tap­syrý kezinde basqa bir jerden kóshirip otyrmaǵanyna nazar aýda­rylady. Bólme 360 gradýs deńgeıinde qaralyp, bógde adam­nyń stýdentke kómektesýine jol berilmeıdi. Ondaǵy ahýal osy júıe arqyly tolyq qadaǵalanady.