Baıqaýshylarmen kezdesti

Qazaqstan Respýblıkasy Ortalyq saılaý komıssııasynyń tóraǵasy Berik Imashev jaqynda Nur-Sultan qalasyna kelgen EQYU/DIAQB Saılaýdy baıqaý jónindegi Shekteýli mıssııasynyń múshelerin qarsy aldy.

B.Imashev mıssııa múshelerin saı­laýdyń jarııalanǵanynan bastap daýys berý kúnine deıingi naýqannyń negizgi kezeńderimen qysqasha tanystyrdy.

Mıssııanyń basshysy, elshi Iаroslav Mar­­chın Domanskı Qazaqstan tarapyna qa­byl­daǵany úshin alǵysyn bildirip, mıs­sııanyń ne­giz­gi tobynyń múshele­rimen tanystyrdy.

Taraptar búkil saılaý kezeńinde bel­sendi ózara is-qımyl jasaý týraly ýaǵdalasty. Kez­desý sońynda tarap­tar dástúrli túrde qalyp­­tasqan yntymaq­tas­tyq pen izgi nıet qa­tynas­tary 2021 jyly Qazaqstan Respýblıkasy Par­lamenti Májilisiniń depýtattaryn saılaý kezinde jalǵasyn tabatynyna senim bildirdi.

Baıqaýshylar toby el bıliginiń Qazaq­stan­daǵy Parlamenttik saılaýdy ba­qylaýǵa sha­qyrýynan keıin kelgen. Quramynda 11 sarapshy bar negizgi top Nur-Sultanda ornalasqan. Taǵy 24 baıqaýshy 15 jeltoqsannan bastap kele bastaıdy, olar eldiń barlyq aımaǵyna jiberiledi.

Mıssııa saılaýdyń EQYU mindet­te­me­lerine jáne demokratııalyq saılaýdyń basqa halyqaralyq min­det­temeleri men standarttaryna, son­daı-aq ulttyq zańnamaǵa sáıkestigin baǵalaıdy. Baıqaýshylar saılaýshylar men kandıdattardy tirkeýdi, úgit-nasıhat jumystaryn, saılaý ákimshiligi men tıisti memlekettik organdardyń jumysyn, saılaýǵa qatysty zańnamany jáne onyń oryndalýyn, saılaýǵa qatysty daýlardy sheshýdi muqııat baqylaıtyn bolady. Sondaı-aq mıssııa naýqannyń buqaralyq aqparat quraldarynda jarııalanýyn qadaǵalaıdy.

Baqylaý barysynda mıssııa memle­kettik organdardyń, saıası partııalardyń, azamattyq qoǵamnyń, buqaralyq aqparat quraldarynyń jáne halyqaralyq qoǵamdastyqtyń ókilderi­men kezdesedi. Mıssııa daýys berý kúni birqatar saılaý ýchas­kele­rine baryp, saılaýdy baqylaý bo­ıynsha EQYU Parlamenttik Assam­bleıasynyń delegasııasymen kúsh birik­tiredi.

Sondaı-aq jumys barysynda aralyq esep jarııalaýy shart. Saılaýdan keıingi kúni baspasóz konferensııasynda aldyn ala jáne sońǵy qorytyndylar týraly málimdeme jasalady. Al baqylaý qorytyndylary men usynystar boıynsha esep saılaý prosesi aıaqtalǵannan keıin eki aıdan keıin jarııalanady. Demokratııalyq ınstıtýttar jáne adam quqyqtary jónindegi bıýro men mıssııa EQYU-nyń Nur-Sultandaǵy Baǵdarlamalar keńsesinen bólek jáne táýelsiz jumys isteıtinin aıta ketken jón.