Qazaqstan men Polsha Syrtqy ister mınıstrlikteri arasynda saıası konsýltasııalar ótkizildi. Qazaqstan delegasııasyn QR Syrtqy ister mınıstriniń orynbasary Marǵulan Baımuhan, Polsha tarapyn - Syrtqy ister mınıstriniń orynbasary Marchın Pshıdach basqardy.
Kelissózder barysynda taraptar ekijaqty formattaǵy jáne halyqaralyq uıymdar sheńberindegi Qazaqstan men Polsha arasyndaǵy qarym-qatynastardyń ahýaly jáne damý keleshegin talqylady. Saıası, saýda-ekonomıkalyq jáne mádenı-gýmanıtarlyq yntymaqtastyqty keńeıtýge, sondaı-aq óńiraralyq ózara is-qımyl múmkindikterine erekshe nazar aýdaryldy. О́ńirlik jáne jahandyq kún tártibiniń aǵymdaǵy máselelerine qatysty jan-jaqty jáne tıimdi pikir almasty.
Delegasııa basshylary «COVID-19» pandemııasynyń saldaryn eńserý boıynsha ózara tıimdi kómek pen birlesken kúsh-jigerdi atap ótti. Kezdesý qorytyndysy boıynsha Qazaqstan men Polshanyń syrtqy saıası vedomstvolary arasyndaǵy ózara qyzyǵýshylyq týdyratyn barlyq salalardaǵy ekijaqty áriptestikti odan ári damytýǵa baǵyttalǵan dıalogty jalǵastyrý týraly ýaǵdalastyqqa qol jetkizdi.