Qyzylordada tanysynyń bir mıllıon teńgesin zańsyz ıemdengen alaıaq áıel ustaldy, – dep habarlaıdy Polisia.kz.
6 jeltoqsanda Qyzylorda qalalyq Polısııa basqarmasyna qala turǵyny habarlasyp, bıylǵy jyldyń qyrkúıek aıynda tanys áıeldiń oǵan kirpish satyp alýǵa kómektesýge ýáde bergeni, alaıda 1 000 000 teńgesin alǵannan keıin zym-zııa joǵalyp ketkeni týraly shaǵymdanǵan.
Qyzylorda qalalyq PB qyzmetkerleri ótkizgen jedel-izdestirý is-sharalarynyń nátıjesinde osy qylmysty jasaǵan oblys ortalyǵynyń 1987 jyly týǵan turǵyny quryqtaldy. Ol óziniń alaıaqtyq áreketterin tolyǵymen moıyndady.
Qazirgi ýaqytta oǵan qatysty Qazaqstan Respýblıkasy Qylmystyq kodeksiniń 190-babynyń 1-bóligimen (Alaıaqtyq) sotqa deıingi tergep-tekserý amaldary júrgizilýde.