Ekologııa mınıstrligimen Aqtóbe oblysy kásipornyndaǵy tekserý qorytyndysy boıynsha ekologııalyq zańnamanyń óreskel buzýshylyqtary anyqtaldy. Bul týraly mınıstrliktiń baspasóz qyzmeti habarlady.
Aqtóbe oblysy Alǵa aýdany Bestamaq aýylynyń turǵyndary "Parıjskaıa kommýna XXI" JShS mal sharýashylyǵy kásipornynyń qyzmetine qatysty aımaqtyń ekologııa departamentine shaǵymdandy.Jaqynda júrgizilgen jospardan tys tekserý barysynda, qazylǵan transheıalarda bıologııalyq jáne qurylys qaldyqtaryn ishinara kómý arqyly aralas túrde ornalastyrý faktisi anyqtaldy. Ornalastyrý alańy 5,6 ga qurady.Bul rette, ekologııalyq jobada janýarlardyń qaldyqtaryn qaıta óńdeý kózdelgen. Jobalyq qujattamada aǵyndy sýlardy tazalaýǵa arnalǵan jabdyq ta joq. Aǵyzý Baıbaqty ózeniniń arnasyna tazartýsyz júzege asyrylǵan. Topyraq synamalarynyń hımııalyq taldaýy alańda lastaýshy zattardyń 26 myń m2 astam konsentrasııasynyń artýyn kórsetti.Sonymen qatar, 40 myń bas shoshqaǵa arnalǵan mal sharýashylyǵy kesheninde 51 myńnan astam bas bolǵan.Anyqtalǵan ekologııalyq zańnamany buzǵany úshin Departamentpen kásiporyn qatynasyna 11 ákimshilik is qozǵaldy. Sondaı-aq, suratylǵan málimetterdi berýge kedergi keltirgeni úshin 3 ákimshilik hattama toltyryldy.Atalǵan fakti boıynsha qylmystyq is qozǵaldy. Qazirgi ýaqytta, kásiporynnyń qorshaǵan ortaǵa keltirgen zalaldarynyń somasy eseptelýde. Budan basqa, qaldyqtardy ornalastyrý jáne sarqyndy sýlardy aǵyzý bóliginde JShS qyzmetin toqtata turý týraly talap aryzǵa bastama jasalatyn bolady.