Atyraý oblysy boıynsha qylmystyq-atqarý júıesi departamentiniń qyzmetkerleri tergeý ızolıatorynda otyrǵan kúdiktige 4 uıaly telefondy ótkizbek bolǵan azamatty ustady, dep habarlaıdy Egemen.kz.
«Bul telefondar esirtki men qarýdy zańsyz saqtaǵany úshin ýaqytsha qamaýǵa alynǵan kúdiktige arnalǵany anyqtaldy. Ony 24 jastaǵy azamat tamaqtyń arasyna salyp ákelgen. Mekeme qyzmetkerleri 8 jeltoqsanda qyraǵylyq tanytyp, zańsyz sálemdemeni kúdiktige jetkizý jolyn kesti. Atalǵan derekke qatysty 24 jastaǵy turǵyn ustaldy. Qazir tekserý jumystary júrgizilýde», deıdi departamenttiń kúzet jáne rejım bóliminiń bastyǵy Asylbek Rahmanov.
Qazir tergeý ızolıatoryna ákelingen sálemdemeler «Adanı» rentgen apparatymen tekseriledi.