"Ashyq bıýdjet" jobasy aıasynda, Aqmola oblysy boıynsha sybaılas jemqorlyqqa qarsy is-qımyl departamenti "Aqmola – adaldyq alańy" jobalyq keńsesiniń mamandarymen birlesip bıýdjet qarajatyn paıdalanýdyń tıimdiligin baqylaýda, dep habarlaıdy Egemen.kz.
Taıaýda ashyq bıýdjetterdiń ınteraktıvti kartasynyń Rublicbudget.kz saıtyna monıtorıng júrgizildi. Jedel is-shara qorytyndysynda birqatar memlekettik organdar men kvazımemlekettik sektorda satyp alý, jumystar jáne qyzmet kórsetý baǵasynyń asyra josparlanǵany anyqtaldy.
Máselen, Stepnogorsk qalasy bilim bóliminiń bıýdjettik baǵdarlama ákimgeri qylqan japyraqty aǵashtan tilingen taqtaılardy jalpy somasy 4 400 000 teńgege, ıaǵnı, bir danasyn 80000 teńgeden satyp alýdy josparlaǵan bolyp shyqty. Alaıda, qurylys materıaldary naryǵyn jáne basqa uıymdardyń memlekettik satyp alý josparlaryn taldaý barysynda, uqsas taýardyń ortasha quny 800-den 2000 teńge aralyǵyn quraıtyny belgili boldy. О́ńirdiń sybaılas jemqorlyqqa qarsy is-qımyl vedomstvosynyń josparlanǵan taýarlarǵa ońtaıly baǵany qaıta qaraý jáne belgileý týraly usynystarynan keıin memlekettik satyp alý baǵasy tómendetildi. Nátıjesinde qalalyq bilim bóliminiń bıýdjet qarajatynyń jalpy únemdelýi 4 300 000 teńgeni qurady.
Sondaı-aq, «Kókshetaý jylý» memlekettik kásiporny metall dánekerleý elektordtarynyń árqaısysyn 1456 teńgeden satyp alýdy josparlap, jalpy 9629984 teńge qarjy jumsaýdy uıǵarǵan. Shyn mánisinde álgi elektrodtyń árqaısysynyń baǵasy 549 teńgeden aspaıdy. Departamenttiń usynys hatynan keıin qarjy operasııasy qaıta qaralyp, kásiporynnyń 6 mıllıon teńgelik qarjysy únemdelip otyr.
О́ńirdiń sybaılas jemqorlyqqa qarsy vedomstvosynyń aralasýymen «Stepnogrsk vodokanal» kásipornynda 7 mln teńgege jýyq memleket qarjysynyń artyq jumsalýyna jol berilmedi. Kásiporyn qubyrlardan sý taratýdyń shoıyn tetikterin satyp alý úshin bastapqyda 1 470 000 teńge (ár danasy 85 myń teńge) bólýdi josparlaǵan.
Jalpy, oblystyq sybaılas jemqorlyqqa qarsy is-qımyl Departamenti júrgizgen monıtorıng barysynda, josparlanǵan memlekettik satyp alý baǵasyn tómendetý arqyly ústimizdegi jyly 350 mln teńge bıýdjet qarjysynyń únemdelýi qamtamasyz etildi.