«Altyn dombyra» ıesin tapty

Alaman dodanyń qory­tyndysy boıynsha bas júlde Muhtar Nııazovqa buıyrdy. Bas júldeni úshinshi márte ıelengen sóz shaıyryna Al­tyn dombyrany Mədenıet jəne sport mınıstri Aqtoty Raıym­qulova tabystady. Al 1-oryndy Bekarys Shoıbekov, 2-oryndy Erkebulan Qaı­nazar, 3-oryndy Serik Qýan jeńip aldy.

Sondaı-aq Táýelsizdik me­rekesi qarsańynda dástúrli aıtys óneriniń damýyna úles qosqan Darıǵa Mushtanova, Serik Ydyrysov, Aqmaral Leý­­baeva, Ábilhaıyr Syz­dy­qov, Jibek Boltanova «Qa­zaq­stan Respýblıkasy Má­de­nıet salasynyń úzdigi» tós­belgisimen marapattaldy.

Aıta keteıik, 3-4 qarasha kúnderi aıtystyń irikteý ke­ze­ńine qatysqan 10 juptyń, ıaǵnı 20 aqynnyń ónerine baǵa bergen qazylar alqasy jartylaı fınalǵa 8 aqyndy (4 jup) iriktep alǵan edi.

Respýblıkalyq aqyn­dar aı­tysynyń aqtyq máre­sine ha­lyqaralyq jáne res­­pýb­­­lıkalyq aıtystyń je­ńimpazdary, «Al­tyn dombyra» ıegerleri Muh­tar Nııazov, Jansaıa Mýsına, Bek­arys Shoı­­bekov, Aıbek Qa­lıev, Er­ke­bu­lan Qaı­nazar, Meıirbek Sul­tanhan, Qazyret Ber­dihan, Serik Qýanǵan qa­tysty. Sóz dodasynyń qa­zylar al­qasyna Qa­­zaqstannyń Eń­bek Eri, KSRO halyq ártisi, «Otan», «Qur­met» ordenderiniń ıe­ge­ri Asan­áli Áshimov tóraǵalyq etti.

Koronavırýs pandemııa­syna baılanysty aıtys kó­rer­mensiz ótti. Al tele­vı­zııa­­ǵa arnalǵan nusqasy «Qa­zaq­stan» Ulttyq telearna­synan kórsetiledi.