Tennısten álemniń 19-shy, Qazaqstannyń birinshi raketkasy Elena Rybakınanyń qatysýymen ótken oıyn 2020 jyldyń úzdik básekesi dep tanyldy.
Áıelder tennısi assosıasııasynyń (WTA) nusqasy boıynsha Dýbaıdaǵy (BAÁ) týrnırdiń fınaldyq básekesinde óner kórsetken qazaqstandyq Elena Rybakına men rýmynııalyq Sımona Halep arasyndaǵy match jyldyń eń úzdik oıyny atandy. Kezdesý osy jyldyń 22 aqpanynda ótip, Sımona Haleptiń 3:6, 6:3, 7:6 (7:5) jeńisimen aıaqtalǵan-dy. Bul – Haleptiń sporttyq mansabyndaǵy WTA jarysy boıynsha 20-shy jeńisi bolatyn.
Sondaı-aq jyldyń úzdigi atanýǵa úmitkerler qatarynda amerıkalyq apaly-sińli Vınýs pen Serena Ýılıamstardyń matchy, Arına Sobolenko (Belarýs) men amerıkalyq Korı Gaýfftyń kezdesýi jáne japonııalyq Naomı Osaka men estonııalyq Anett Kontaveıttiń básekeleri de bolǵan.