Atyraý qalasynda 18 jastaǵy jigit súıgenine sóz salǵan soń Jastar saıabaǵynda pırotehnıkalyq buıymdarmen otshashý uıymdastyrǵany úshin jazaǵa tartyldy, dep habarlaıdy Egemen.kz.
Jas jigit osylaısha karantındik shekteý sharalarynyń talabyn buzdy. Osyǵan oraı polısııa qyzmetkerleri jas jigitke qatysty QR Ákimshilik quqyqbuzýshylyq týraly Kodeksiniń 436-baby 2-bóligi («arnaıy bólinbegen oryndarda pırotehnıkalyq buıymdardy qoldaný») negizinde ákimshilik hattama toltyrdy.
«Sotta quqyq buzýshy kinásin moıyndap, qoǵamdyq tártipti buzǵany úshin keshirim surady. Atyraý qalasynyń mamandandyrylǵan ákimshilik sotynyń qaýlysymen quqyq buzýshy kináli dep tanyldy», - dep habarlady oblystyq sottyń baspasóz qyzmeti.
Er adamǵa 38 892 teńge kóleminde aıyppul salyndy.