Túrkistan oblysynyń ákimi О́mirzaq Shókeev qurylys júrgizip jatqan merdigerlermen kezdesip, jumysty shıratýdy tapsyrdy, dep habarlaıdy Egemen.kz.
О́mirzaq Shókeev Túrkistannyń rýhanı – mádenı ortalyǵynda boı kótergen ǵımarattar men áleýmettik nysandardyń qurylysyn aralady. Merdigerlerge kelisimshartta kórsetilgen tıisti mindetterdi buzǵandarǵa, kesteden keshikken ne shartty buzǵandarǵa shara kóriletinin eskertti.
«Aqtalý abyroı ákelmeıdi. Júktelgen mindettiń júgi aýyr bolsa, álek bolmaý kerek. Basqalarǵa jol berilsin. Bul salada sebep pen syltaý aıtatyndarǵa oryn joq», - dedi О́mirzaq Shókeev.
Oblys ákimi aralaǵan ǵylymı-ámbebap kitaphanasynyń syrtqy jáne ishki árleý, ınjenerlik jelilerin montajdaý jáne qural-jabdyqtardy ornatý jumystary júrgizilýde. Qurylys basynda 184 jumysshy bar. Nysannyń kestege sáıkes aıaqtaý jáne qural-jabdyqtaryn ornatý kezeńi jeltoqsan aıyna josparlanǵan. Sondaı-aq óńir basshysy qurylysy aıaqtalǵan drama teatr men «Uly dala eli» ortalyǵynda boldy.
Teatrda sahnalyq qural-jabdyqtar men jıHazdaryn ornatý, ınjenerlik jelilerin montajdaý jumystary júrgizilýde. Aýmaǵy abattandyrylýda. Al «Uly dala eli» ortalyǵynda qurylys-montajdaý jumystary tolyǵymen aıaqtalǵan. Búgingi tańda medıa quraldaryn iske qosý, úıretý jumystary atqarylýda. Osydan bir jyl buryn irgetasy qalanǵan 630 oryndyq kópsalaly aýrýhananyń qurylysy memleket - jekemenshik áriptestik sheńberinde júzege asyrylýda.
«Sembol construction» túrik kompanııasynyń qarjylandyrýymen salynyp jatqan keshendi emdeý ortalyǵy keler jyly paıdalanýǵa beriledi dep josparlanǵan. Jalpy aýmaǵy 16 gektar jerdi alatyn kópsalaly aýrýhanada dıagnostıkalyq keńes kórsetýden bastap neırohırýrgııa, ýrologııa, jaraqat, qaterli isik aýrýlary syndy medısınalyq kómek kórsetetin bólimder jumys isteıdi. Ǵımarat tolyqtaı zamanaýı medısınalyq qural-jabdyqtarmen qamtamasyz etiledi.