Álııadaı qaısar Áıgerim

Bıyl «Ońtústik» óńirlik qolbas­shy­lyǵynynyń «Álem jaýyngeri» jáne «Áskerı medısınalyq estafetasy» saıystarynyń irikteýlerinen 1-oryn ıelenip, «Sheber» saıysynyń úzdigi atandy.

Birneshe jyl qatarynan «Dostastyq jaýyngeri» dárejesine ıe bolyp, serjanttar quramy arasyndaǵy jarysta júldeli oryndardy alǵan Áıgerim Qarýly Kúshter qatarynda ózine júktelgen mindetterdi minsiz oryndap, áskerı mamandyqty tabysty meńgerip júr. Áskerı boryshyn erlermen qatar oryndap, el irgesine berik qorǵan bola alatyn, otbasy qundylyqtaryn tý etetin bilikti áskerı qyzmetkerler sanatynda júrgen kishi serjant Áıgerim Qalıeva Shymkent garnızonyndaǵy áskerı bólimde kelisimshart boıynsha qyzmet etedi. Túrkistan oblysy Ordabasy aýdanynyń týmasy. Shymkent qalasyndaǵy Qazaqstan Halyqtar dostyǵy ýnıversıtetiniń «Radıo­teh­nıka, elektronıka jáne telekommýnıkasııa» mamandyǵy boıynsha bilim alǵan Áıgerim 2014 jyly ásker qataryna sha­qyr­ty­lyp, Arys qalasynyń áskerı bólimine atysty qoldaý rotasyndaǵy «mergen» laýazymynan qyzmetin bastaǵan. Qazirgi tańda 35748 áskerı bólimindegi motoatqyshtar batalonynda áskerı qyzmetin atqaryp júr. Áıgerimniń qyzmet barysyndaǵy atqarǵan isteri men jetken jetistikterin áriptesteri de maqtan etedi.

– Áıgerim áskerı ómirdiń qıynshylyǵy men temirdeı tártibine tózip, er-azamattarmen teń deńgeıde qyzmet atqarýda. Ol óziniń tártibi men qoıylǵan tapsyrmalardy ýaqtyly oryndaýda áriptesterine úlgi. Minezi Uly Otan soǵysynda eli úshin janyn qıǵan Mánshúk, Álııa jáne Hıýaz apalarymyz sekildi – qaısar. Batyrlyq, erjúrektilik jáne Otanǵa degen súıispenshiligin ispen dáleldep júrgen arýlarymyzdyń biri. Jaýyngerlik daıarlyq sabaqtarynda árqashan ózin joǵary deńgeıden kórsetedi. Osyndaı batyr arýymyz aramyzda qyzmet atqaratynyn maqtan etemiz, – deıdi batalon serjanty Ǵalymjan Báteshov.

Shymkent