Fýtzaldan Qazaqstan ulttyq quramasy Eýropa chempıonatynyń irikteý týrnırindegi alǵashqy oıynyn Majarstan fýtzalshylaryna qarsy ótkizip, 5:0 esebimen jeńiske jetti.
Eki qurama arasyndaǵy báseke jýyrda ǵana dańqty balýan, Máskeý Olımpıadasynyń chempıony Jaqsylyq Úshkempirovtiń esimi berilgen elordadaǵy jekpe-jek saraıynda ótti. Oıynda Qazaqstan quramasy tolyqtaı basymdyqqa ıe bolyp, qarsylasynyń qaqpasyna jaýapsyz bes gol soqty. Atap aıtar bolsaq, oıyn barysynda Arnold Knaýb, Dáýren Nurǵojın, Albert Aqbalyqov, Dáýren Tursaǵulov mergendigimen kózge tústi.
Endi jerlesterimiz kelesi oıynyn 2021 jyldyń 28 qańtarynda syrt alańda Izraılmen ótkizedi. Aıta keteıik, Qazaqstan quramasy Eýro-2022 týrnıriniń irikteýinde 5-topta óner kórsetýde. Bizdiń topta Majarstan men Izraılden bólek, Belarýs quramasy da bar. Eýropa chempıonatynyń fınaldyq kezeńiniń jalaýy 2022 jyldyń 9 qańtary men 3 aqpany aralyǵynda Nıderlandta jelbireıdi.