Koronavırýs pandemııasynyń saldarynan Halyqaralyq ústel tennısi federasııasy (ITTF) bıyl sáýir aıynda jarystar men sportshylardyń reıtıngin toqtatyp, olardyń burynǵy upaılaryn saqtap qalǵan bolatyn.
Endi, mine, álemde jaǵdaı birshama turaqtalǵan syńaı tanytqan soń, qarashadan bastap jarystar uıymdastyryla bastady. Jýyrda ITTF ótken aıdaǵy úsh jarysty eskere otyryp, sportshylardyń reıtıngin qaıta jańartty. Erler arasynda Álem kýbogynda top jarǵan Fan Chjendon (Qytaı) reıtıngte kósh bastady. Al Qazaqstan quramasynyń úzdigi Kırıll Gerasımenko óziniń 46-ornyn saqtap qaldy. Áıelder arasynda Álem kýbogynda da, ITTF fınalynda da jeńiske jetken qytaılyq Chen Men de reıtıngtegi birinshi ornyn eshkimge bergen joq.