Balqash ortalyq aýrýhanasynyń bazasynda PTR-zerthana ashyldy. Onyń qýaty táýligine 500 synaqty quraıdy. Laboratorııa Balqash, Prıozersk, Aqtoǵaı jáne Shet aýdandarynyń turǵyndaryna qyzmet kórsetedi. Jalpy alǵanda, bul shamamen – 130 myń adam, dep habarlaıdy Egemen.kz
Mekeme barlyq talaptarǵa saı jáne Germanııada óndirilgen qajetti jabdyqtarmen qamtylǵan. Zerthana bólmelerinde jóndeý jumystary júrgizildi, tehnıka ornatyldy, qajetti reaktıvter satyp alyndy. Zerthana qyzmetkerleri Qaraǵandynyń jetekshi zerthanalary bazasynda arnaıy oqytýdan ótti. Jobanyń jalpy quny 39 mln teńgeni quraıdy. Demeýshiler 29 mln teńgege barlyq qajetti medısınalyq jabdyqty satyp alǵan.
Buryn PTR zertteýge barlyq bıologııalyq materıaldar Balqashtan Qaraǵandy qalasyna jiberiletin. Nátıjeler 3-5 kún aralyǵynda shyǵatyn. Jańa PTR-zerthananyń ashylýymen koronavırýs ınfeksııasyn tezirek anyqtaýǵa bolady.
Taldaýdy óńdeý ortasha eseppen 5 saǵatty quraıdy. Synaq qorytyndysy bir táýlik ishinde beriledi.