Qazaqstan Ulttyq Banki «BELKA · STRELKA» jáne «SÚNDET TOI» kolleksııalyq monetalaryn aınalysqa shyǵaryp jatyr. Bul týraly banktiń baspasóz qyzmeti habarlady.
Satý kúni týraly aqparat Qazaqstan Respýblıkasy Ulttyq Bankiniń resmı saıtynda qosymsha jarııalanady.
Kúmisten nomınaly 500 teńgelik, melhıor qospasynan nomınaly 200 teńgelik jáne neızılber qospasynan nomınaly 100 teńgelik «BELKA · STRELKA» kolleksııalyq monetalar «Ǵarysh» monetalar serııasyn jalǵastyrady. Monetalar Belka men Strelka ıtteri Qazaqstan jerindegi «Baıqońyr» ǵarysh aılaǵynan «Vostok» ǵarysh kemesinde ushqan kúnnen bastap 60 jyl tolýyna arnalǵan. Belka men Strelka – orbıtaǵa sapar shekken jáne Jerge aman oralǵan keńestik kosmonavt ıtter.
Monetalardyń aversinde ortasynda adamzat pen ǵalamshardyń birligin, ótken kún men osy kúnniń baılanysyn bildiretin kompozısııa beınelengen. Monetalardyń oń jaq bóliginde monetalardyń nomınalyn bildiretin: tantaly bar kúmis monetada «500 TEŃGE», melhıor qospasynan jasalǵan monetada «200 TEŃGE», neızılber qospasynan jasalǵan monetada «100 TEŃGE» dep jazylǵan. Tantaly bar kúmis moneta nomınalynyń astynda – moneta daıyndalǵan metaldy, onyń synamasy men massasyn bildiretin «Ag 925 14,6 g Ta 26,8 g» degen jazý bar. Tómengi jaǵynda – Qazaqstan teńge saraıynyń taýar belgisi (logotıpi) bar. Jıeginde memlekettik tilde «QAZAQSTAN RESPÝBLIKASY», aǵylshyn tilinde «REPUBLIC OF KAZAKHSTAN» dep aınaldyra jazylǵan jazý bar.
Monetalardyń reversinde ortasynda – ǵaryshtyq aıshyqtalǵan kapsýladaǵy Belka men Strelkanyń beınesi. Joǵary bóliginde ashyq ǵaryshtyń sımvolyn bildiretin juldyzdar shoǵyryn kórýge bolady. Jıeginde orys tilinde «BELKA» men «STRELKA», aǵylshyn tilinde «BELKA» men «STRELKA» degen jazý, sondaı-aq oqıǵanyń mereıtoıly datasyn bildiretin «1960-2020» dep aınaldyra jazylǵan jazý bar.
Monetalar:
kúmis pen tantaldan, massasy 41,4 gramm (saqına – 925/1000 synamaly kúmisten, massasy 14,6 gramm, dısk – massasy 26,8 gramm tantaldan), dıametri 38,61 mm, «proof» sapasymen, nomınaly 500 teńgelik, taralymy 2500 dana; MN-25 melhıor qospasynan, massasy 15 gramm, dıametri 33 mm, «proof-like» sapasymen, nomınaly 200 teńge, taralymy 10 000 dana; 15-20 neızılber qospasynan, massasy 11,17 gramm, dıametri 31 mm, «uncirculated» sapasymen, nomınaly 100 teńge, taralymy 100 000 dana.Nomınaly 500 teńgelik kúmisten, nomınaly 100 teńgelik melhıor qospasynan jáne nomınaly 100 teńgelik neızılber qospasynan jasalǵan «SÚNDET TOI» kolleksııalyq monetalary «Qazaqstannyń salt-dástúrleri, ulttyq oıyndary» monetalar serııasyn jalǵastyrady. Súndet toı – qazaqtyń ulttyq salt-dástúrine aınalǵan qazaqtyń ejelgi ádet-ǵurpy. Súndetke otyrǵyzbas buryn bolashaq jigitti atqa otyrǵyzyp, keıin syılyq bergen.
Monetalardyń sıpattamasy
Monetalardyń aversinde oıý-órnek aıasynda Qazaqstan Respýblıkasynyń Memlekettik Eltańbasy beınelengen. Aınaldyra latyn grafıkasymen memlekettik tilde «QAZAQSTAN RESPÝBLIKASY» jáne aǵylshyn tilinde «REPUBLIC OF KAZAKHSTAN» degen jazý bar. Sol jáne oń sektorlarynda ulttyq oıý-órnek elementteri beınelengen. Tómengi jaǵynda «TEŃGE», monetanyń nomınalyn bildiretin kúmis monetada «500» degen san jáne melhıor qospasynan jáne neızılber qospasynan daıyndalǵan monetalarda «100» degen san bar.
Monetalardyń reversinde Súndet toı merekelik saltynyń kompozısııalyq sýreti bar. Monetanyń joǵarǵy bóliginde shańyraqtyń aıshyqtalǵan beınesi jáne ulttyq oıý-órnek elementteri, «SUNDET TOI» degen jazý bar. Monetanyń tómengi jaǵynda Qazaqstan Respýblıkasy Ulttyq Bankiniń logotıpi jáne oıý-órnek qaptalǵan moneta shyǵarylǵan jyl. Monetanyń sol jáne oń jaǵynda kúmisten jasalǵan «Ag 925» jáne «24 g» moneta metalyn, synamasyn jáne salmaǵyn bildiretin jazýlar bar.
Monetalar:
925/1000 synamaly kúmisten, massasy 24 gramm, dıametri 37 mm, sapasy «proof», nomınaly 500 teńge, taralymy 3 500 dana; MN 25 melhıor qospasynan, salmaǵy 15 gramm, dıametri 33 mm, sapasy «brilliant uncirculated», nomınaly 100 teńge, taralymy 15 000 dana; MNS 15-20 neızılber qospasynan, salmaǵy 11,17 gramm, dıametri 31 mm, sapasy «uncirculated», nomınaly 100 teńge, taralymy 100 000 dana.Monetalar kolleksııalyq quny boıynsha satýǵa arnalǵan.
Nomınaly 500 teńgelik, 200 teńgelik jáne 100 teńgelik kolleksııalyq monetalar Qazaqstan Respýblıkasynyń búkil aýmaǵynda kórsetilgen qunymen tólemniń barlyq túrleri boıynsha, sondaı-aq bank shottaryna esepke alý úshin jáne aýdarym jasaý úshin qabyldanýǵa mindetti, Qazaqstan Respýblıkasynyń barlyq bankinde shekteýsiz usaqtalady jáne aıyrbastalady.
Kúmisten daıyndalǵan monetalar kádesyılyq oraýmen shyǵarylady jáne Qazaqstan Respýblıkasy Ulttyq Bankiniń memlekettik, orys jáne aǵylshyn tilderindegi nómirlik sapa sertıfıkatymen jabdyqtalǵan. «Proof-like» sapasymen melhıor qospasynan jasalǵan monetalar kádesyılyq oraýmen shyǵarylady. «Brilliant uncirculated» daıyndaý sapasymen melhıor qospasynan jasalǵan monetalar arnaıy polıgrafııalyq oraýmen shyǵarylady.
Kolleksııalyq monetalar Qazaqstan Teńge saraıynda daıyndaldy.