Býrabaı kýrortynda qazirgi ýaqytta Qazaqstanda teńdesi joq jańa ekspozısııalyq keshen ashylady. Qurylys 2019 jyldyń maýsym aıynda bastalǵan keshen aǵymdaǵy jyldyń jeltoqsan aıynda jańa mádenı-týrıstik nysan retinde kelýshilerge óz esigin aıqara ashady, dep habarlaıdy Egemen.kz
Ekspozısııalyq keshende elimizdiń tarıhy baıandalatyn birneshe zaldar, attraksıondar bar. Keshen boıynsha saıahat «Qazaqstandyq arman» dep atalatyn lobbıden bastalady. Áserli attraksıondardyń biri – «Samuryq qusynyń ushýy». Nebary 15 mınýttyń ishinde uly elimizdiń barlyq kıeli, kórkem jerlerin aralap shyǵýǵa bolady. Mýzeıdi qurýshylar týra maǵynada Qazaqstannyń ótkenin, búgini men bolashaǵyn biriktirdi. Ol tarıhı orynda Abylaı han alańynda ornalasqan.
Sondaı-aq, ekspozısııalyq keshende Qazaqstandaǵy jalǵyz «Máńgilik el» mýltımedııalyq ómir aǵashy nemese halyq aıtqandaı, «shejire» ósip keledi. Osy aǵashtyń kómegimen ár qazaq óziniń otbasyn, júzin, tarıhyn, ıaǵnı, shyqqan tegin bile alady. Zal aqparattyq jáne tanymdyq sıpatta bolady. Munyń bárin jaryq shoýy kórsetedi. Ekspozısııalyq keshen boıynsha saıahat kezinde mýltımedııalyq tehnologııalardy qoldana otyryp, ár kelýshi zaldan-zalǵa mýltımedııalyq keńistikke, tarıhqa kóbirek enip, qyzyǵýshylyǵy artady. Ásirese, bul jas urpaq úshin mańyzdy. Saıahattyń sońynda siz qatty qýanasyz jáne tańǵajaıyp kórinistiń keremet áserine bólenesiz.
Bul jobanyń basty maqsaty – Qazaqstannyń tarıhı murasyn saqtaý. Zamanaýı tehnologııalar arqyly negizgi aqparatty usyný jas urpaqtyń tarıhqa degen qyzyǵýshylyǵyn edáýir arttyrady. Sondaı-aq, jańa týrıstik oryn Býrabaı kýrortyna keletin bizdiń elimizdiń turǵyndary men qonaqtarynyń qyzyǵýshylyǵyn týǵyzady dep senimmen aıtýǵa bolady. Bizdiń elimiz úshin bul shynymen, murajaı salasyndaǵy úlken jetistik. Demek, osy úlken keshenniń ashylýyn asyǵa kútemiz.
Aqmola oblysy,
Býrabaı aýdany.