Ádette ár ata-ana balasynyń esimi erekshe bolǵanyn qalaıdy. Tipti elge tanymal tulǵalardyń esimimen ataýdyń astarynda osyndaı oı jatýy múmkin. Desek te atyraýlyq ata-analar sábıine qandaı esimdi tańdaıdy?
Atyraý qalalyq jumyspen qamtý, áleýmettik baǵdarlamalar jáne azamattyq hal aktilerin tirkeý bólimi mamandarynyń aıtýynsha, bıylǵy jyl basynan beri 10 014 náreste ómirge kelipti. Qazir olardyń arasynda 164 otbasynyń qýanyshyn eselegen kishkentaı Ibrahımder ósip jatyr. Al 136 uldyń aty – Álıhan.
Nárestelerge Nurıslam esimi de jıi tańdalady. Bıyl ata-analar 128 uldy dál osylaı atady. Budan ózge 119 Ahmad esimi rásimdelipti.
Sondaı-aq 226 otbasy Aısha atalǵan qyzdarmen tolyqty. Raıana esimin 225 arý ıelenip otyr. Buǵan qosa 221 Aılın men 195 Medına da ata-anasyn baqytqa bóledi.