Túrkistan oblystyq máslıhatynyń kezekti elý tórtinshi sessııasynda oblys ákimi О́mirzaq Shókeev Memleket basshysy Qasym – Jomar Toqaevtyń tapsyrmalary Túrkistandy damytýǵa tyń serpin bergenin, sondyqtan qasıetti qalany damytý jumystary odan ary jandana túsetinin atap ótti, dep habarlaıdy Egemen.kz
Sondaı-aq oblys ákimi elimizdegi eń kóp jańa nysandar salynyp jatqan Túrkistanda aldaǵy ýaqytta birqatar jańa nysan el ıgiline beriletinin aıtty.
«Elbasy Nursultan Nazarbaevtyń bastamasymen Túrkistan halyqaralyq deńgeıdegi qalaǵa aınalyp keledi. Qurylys qarqyny báseńdemeıdi. Túrkistan qalasy oblys ortalyǵy bolǵannan keıin óńirde óte úlken, aýqymdy jumystar atqarylýda. Sizdermen birge aýyzbirshilikpen jumys istedik. Bizderge jaýapty tapsyrmalar boldy. Onyń ishinde árıne Túrkistan qalasyn oblys ortalyǵy retinde qalyptastyrý. Barlyǵymyzdyń maqsatymyz – oblystyń áleýmettik - ekonomıkalyq, rýhanı - mádenı salasyn birge damytý boldy. О́ńirde atqarylyp jatqan jumystardyń nátıjesin ózderińiz kórip otyrsyzdar. Qalada ákimshilik - iskerlik ortalyǵy, mádenı - rýhanı ortalyq jáne Q.A.Iаsaýı kesenesiniń aınalysynda qurylystar júrgizilip jatyr. Kóptegen aıaqtalǵan nysandar qazirdiń ózinde óziniń sáýlettik naqyshymen qala kórkine erekshe reńk berip tur», dedi sessııa otyrysynda О́mirzaq Shókeev.
Oblystyq máslıhat sessııasynyń kún tártibine 2021-2023 jyldarǵa arnalǵan oblys bıýdjetin bekitý, oblys ákimdigi janyndaǵy sybaılas jemqorlyqqa qarsy is-qımyl máseleleri jónindegi komıssııanyń derbes quramyn bekitý, oblystyq máslıhat turaqty komıssııalarynyń 2020 jylǵy qyzmeti jónindegi esepteri men 2021 jylǵa arnalǵan jumys jospary sekildi barlyǵy 19 másele qaraldy. Atalǵan máselelerdi qaraý nátıjesi boıynsha oblystyq máslıhat depýtattary tıisti sheshimder qabyldady.
Altynshy shaqyrylymdaǵy oblystyq máslıhattyń sessııasynda óz ókilettiligin aıaqtaǵan birqatar depýtattar arnaıy marapattarǵa ıe boldy.