Shymkent qalasynyń ákimi Murat Áıtenovtiń tóraǵalyǵymen Shymkent qalasynyń tarıhı-mádenı muralaryn qorǵaý jáne paıdalaný jónindegi ǵylymı-ádistemelik Keńes otyrysy onlaın ótti, dep habarlaıdy Egemen.kz
Ǵylymı-ádistemelik Keńestiń quramynda «QazQaıtajańartý» RMQK ǵylymı-zertteý jáne jobalaý fılıaly, Qazaqstan Respýblıkasynyń IýNESKO jáne ISESKO isteri jónindegi Ulttyq komıssııasynyń rýhanı mádenı murany qorǵaý jónindegi Ulttyq komıteti, Halyqaralyq Ortalyq Azııa zertteýleri ınstıtýty, T.Basenov atyndaǵy sáýlet jáne qurylys ınstıtýty, Á.Marǵulan atyndaǵy Arheologııa ınstıtýty, IýNESKO-nyń Almaty qalasyndaǵy Klasterlik bıýrosynyń mádenıet salasynyń ókilderi men arheologtar bar.
Keńes otyrysynyń barysynda negizgi 3 másele qaraldy. Atap aıtqanda, Shymkenttiń kóne qalashyǵyn qalpyna keltirý, rekonstrýksııalaý jáne jańǵyrtý boıynsha atqarylǵan jumystardy baǵalaý jónindegi jumys tobynyń qorytyndysy, «Shymkent kóne qalashyǵy» keshenin IýNESKO-nyń Dúnıejúzilik mádenı jáne tabıǵı muralardyń tizimine engizý, «Ǵylymı-restavrasııalyq jumystar júrgizý jáne áleýmettik qaraý alańymen mádenı landshaftty jańartý» jobasy talqylandy.
Kóne qalashyqty qalpyna keltirý boıynsha atqarylǵan jumystardy baǵalaý jónindegi jumys tobynyń qorytyndysy jóninde qalalyq mádenıet, tilderdi damytý jáne arhıvte basqarmasynyń basshysy H. Esenova baıandady. Onymen qosa, jıynǵa qatysýshylar aldaǵy ýaqytta amfıteatrdan bólek, ejelgi kórme jáne galereıany qaıta qalpyna keltirý jaıyn da sóz etti.
Otyrystyń qorytyndysy boıynsha Keńes tóraǵasy, qala ákimi Murat Dúısenbekuly eski qalanyń keıingi kezeńderi boıynsha konsepsııa daıarlaýdy jáne is-sharalar josparyn ázirleýdi tapsyrdy.