Shymkentte stasıonarlyq polısııa beketteri táýlik boıy qyzmet kórsetýde, dep habarlaıdy Egemen.kz Polisia.kz saıtyna silteme jasap.
Shymkent qalasynyń aýmaǵynda azamattardyń qaýipsizdigin qamtamasyz etý jáne qoǵamdyq tártipti saqtaý maqsatynda adamdar kóp shoǵyrlanatyn jerlerde Polısııa departamentiniń 15 stasıonarlyq beketi táýlik boıy jumys isteıdi. Árbir stasıonarlyq bekette úsh aýysymmen eki qyzmetkerden kezekshilikke túsip, tártipti qadaǵalaıdy.
Stasıonarlyq beketterdiń barlyǵy zamanaýı tehnıkamen, atap aıtqanda portatıvti beınetirkeýishtermen, radıostansııalarmen jáne planshettermen jabdyqtalǵan.
«Stasıonarlyq beketter 181 syrtqy beınebaqylaý kamerasymen jabdyqtalyp, olar Polısııa departamentiniń Jedel basqarý ortalyǵyna qosylǵan. Olar jol qaýipsizdigin qamtamasyz etý, qoǵamdyq oryndarda, kóshelerde qylmystyń aldyn alý boıynsha qyzmet atqarady. Bıyl kameralardyń kómegimen 25 qylmys ashylyp, 47 602 ákimshilik hattama toltyryldy», dedi Shymkent qalasynyń Polısııa departamenti Jergilikti polısııa qyzmeti basqarmasynyń bastyǵy Mýhtar Býharbaev.
Stasıonarlyq beketter is júzinde óz tıimdiligin kórsetip otyr. Mysaly, qoǵamdyq oryndarda jasalǵan qylmystar sany ótken jylmen salystyrǵanda 26,6 paıyzǵa, al kóshelerde jasalatyn qylmystar 21,5 paıyzǵa tómendegen. Azamattar ótinish, aryz nemese jeke máselesimen kez-kelgen ýaqytta osy beketterde qyzmet etetin qyzmetkerlerge júginip, tıisti kómek ala alady.