Shymkent qalasynyń aýmaǵynda azamattardyń qaýipsizdigin qamtamasyz etý jáne qoǵamdyq tártipti saqtaý maqsatynda adamdar kóp shoǵyrlanatyn jerlerde Departament polısııasynyń 15 stasıonarlyq beketteri táýlik boıy jumys jasap jatyr, dep habarlaıdy Egemen.kz
Stasıonarlyq beketterdiń barlyǵy zamanaýı tehnıkamen: portatıvti beınetirkeýishtermen, radıostansııalarmen jáne planshettermen jabdyqtalǵan.
«Stasıonarlyq beketter 181 syrtqy beınebaqylaý júıesimen jabdyqtalyp, Polısııa departamentiniń Jedel basqarý ortalyǵyna qosylǵan. Jol qaýipsizdigin, qoǵamdyq oryndarda, kóshelerde qylmystyń aldyn alý boıynsha qyzmet atqarady. Kameralar arqyly 25 qylmys ashylyp, 47 602 ákimshilik hattamalar toltyryldy», Shymkent qalasy Polısııa departamenti Jergilikti polısııa qyzmeti basqarmasynyń bastyǵy polısııa podpolkovnıgi Mýhtar Býharbaev.
Is júzinde stasıonarlyq beketter óz tıimdiligin kórsetip jatyr. Mysaly qoǵamdyq oryndarda jasalǵan qylmystyń sany ótken jylmen salystyrǵanda 26,6%, al kóshelerde 21,5% tómendegen.
Azamattar ótinish, aryz nemese jeke máselesimen kez-kelgen ýaqytta osy beketterde qyzmet etetin qyzmetkerlerge júginip, tıisti kómegin ala alady.