Abaı Qunanbaıulynyń 175 jyldyǵyna oraı uıymdastyrylǵan halyqaralyq teatr festıvalinde jergilikti rejısser Ońtalap Nurmahanovtyń «Qalyń elim, qazaǵym, qaıran jurtym...» tragıfarsyn qoıǵan Qyzylordadaǵy Jastar teatry 1 mln teńgeniń grant sertıfıkatyn jeńip alyp, I dárejeli dıplomǵa ıe bolǵan bolatyn, dep habarlaıdy Egemen.kz
«Jastar teatry» 2016 jyly qala ákimdiginiń qoldaýymen Asqar Toqmaǵambetov atyndaǵy mádenıet úıi janynan qurylǵan. Sodan beri repertýary birneshe qoıylymmen tolyǵyp, talantty jastar óner sahnasynda shyńdalyp keledi. О́ner ujymy az ýaqytta túrli deńgeıdegi baıqaýlarǵa, festıvalderge qatysyp, júldeli oryndarǵa ıe boldy.
Jastar teatryn halyqaralyq festıvaldegi jeńisimen quttyqtaǵan qala ákimi Nurlybek Nálibaev kıeli óner kóshin jalǵaǵan ujymǵa aımaqtyń mádenıet salasyn damytýǵa qosqan úlesteri úshin alǵys bildirip, shyǵarmashylyq tabys tiledi. Sonymen qatar, aldaǵy jyly teatrdyń 5 jyldyǵy keń kólemde atalyp ótip, «Jastar teatry» jeke mekeme retinde qurylatynyn atap ótti.
Shara sońynda óner ujymyna halyqaralyq teatr festıvaliniń eń joǵarǵy I dárejeli dıplomy tabystalyp, ártister túrli marapatqa ıe boldy.