Eshki sútiniń densaýlyqqa paıdasy ushan-teńiz ekeni dáleldengen. Sońǵy jyldary halyq arasynda eshki sútin iship, emdelýshiler de kóp. Soǵan oraı eshki asyrap, ony kásip kózine aınaldyrýshylar da az emes. Solardyń biri – Qaraqııa aýdanyna qarasty Munaıshy aýylynyń turǵyny Roza Bımuhambetova.
– Eshki sharýashylyǵy – mal sharýashylyǵynyń bir salasy. Osy salany qolǵa alǵanyma 3 jyl boldy. Eshki ónimderin daıyndaýdy ári qaraı damytý maqsatynda Qazaqstanda iske asyrylyp jatqan «Coca-Cola belesteri» áleýmettik jobasyna qatysyp, jeńimpazdardyń biri boldym. Osy joba arqyly beriletin qarajatty kásibimizdiń aýqymyn keńeıtý úshin qajetti negizgi tehnıkalardy satyp alýdy oılap otyrmyn, – degen ol ártúrli tabıǵı sút ónimderin ázirlep, aýyldastarynyń yqylasyna bólenýde.
Jýyrda aýyl áıelderiniń aýyldaǵy ómir sapasyn arttyrý baǵytynda onlaın túrde III Respýblıkalyq forýmy ótti. О́z kásibin janymen súıip, ony túrlendire, jetildire júrgizýdi qalaıtyn, jańashyldyqqa jany qumar Roza shara qorytyndysynda jeńimpaz atanǵan bolatyn. Qazirgi tańda ol eshki sútinen úı jaǵdaıynda máıek uıytyp qaınatý ádisimen qurt, sary maı, irimshik sekildi tabıǵı ónimder ázirleıdi.
Mańǵystaý oblysy,
Qaraqııa aýdany