Memleket basshysy Qasym-Jomart Toqaevtyń atyna Qazaqstan Respýblıkasynyń Táýelsizdik kúnine oraı Reseı Federasııasynyń Prezıdenti Vladımır Pýtınniń quttyqtaý jedelhaty kelip tústi, dep habarlaıdy Egemen.kz Aqordanyń baspasóz qyzmetine silteme jasap.
Vladımır Pýtın óziniń quttyqtaýynda Qazaqstannyń áleýmettik-ekonomıkalyq jáne ǵylymı-tehnıkalyq damý isinde zor tabysqa qol jetkizgenin, álemdik arenada úlken bedelge ıe ekenin, halyqaralyq ózekti problemalardy sheshýde mańyzdy ári konstrýktıvti ról atqaratynyn atap ótken.
– Memleketterimiz arasyndaǵy strategııalyq seriktestik pen odaqtastyq qatynastar tabysty damyp kele jatqany qýantady. Biz kúsh biriktire otyryp, barlyq ekijaqty baılanystardy, sondaı-aq, Eýrazııalyq ekonomıkalyq odaq, Ujymdyq qaýipsizdik shart týraly uıym, TMD, Shanhaı yntymaqtastyq uıymy, Birikken Ulttar Uıymy jáne basqa da kópjaqty qurylymdar aıasyndaǵy yqpaldastyqty odan ári nyǵaıtatynymyzǵa senimdimin. Munyń baýyrlas halyqtarymyzdyń múddelerine jaýap beretini sózsiz. Sondaı-aq eýrazııalyq keńistiktegi qaýipsizdik pen turaqtylyqty nyǵaıtý jolymen kele jatqanymyzdy bildiredi. О́zińizge zor densaýlyq pen tabys, al barlyq dostas Qazaqstan azamattaryna shyn júrekten baq-bereke tileımin, – delingen Reseı Prezıdentiniń jedelhatynda.