Bul kúnderi Serbııanyń bas shahary – Belgradta kúres túrlerinen Álem kýbogy jolyndaǵy jarys ótip jatyr. Keshe atalǵan dodada grek-rım kúresinen básekeler aıaqtaldy.
Ulttyq Olımpıada komıtetiniń habarlaýynsha, jekelegen Álem kýbogynda «klassıkter» arasynda 10 medal jıyntyǵy sarapqa salynǵan. Jahandyq jarysta 7 altyn jeńip alǵan Reseı balýandary jalpykomandalyq esep boıynsha kósh bastady. Ekinshi orynǵa 2 altyn, 3 qola enshilegen Majarstan quramasy ornalassa, 1 altyn, 3 kúmis ıelengen Belarýs komandasy úzdik úshtikti túıindedi.
Aıta ketelik, elimizdegi koronavırýstyń aldyn alý jónindegi Vedomstvoaralyq komıssııa sheshimimen Serbııadaǵy Álem kýbogyna qazaqstandyq sportshylar qatysqan joq.