Batys Qazaqstan oblysynyń Aqjaıyq aýdanynyń ortalyǵynda jańa alań paıdalanýǵa berildi. Táýelsizdik kúni qarsańynda ashylǵan ortalyq alańda ár salada qyzmet etip úzdik atanǵan jandardyń Qurmet taqtasy ornatylǵan.
Batys Qazaqstan oblysynyń eń iri aýdany ótip bara jatqan jyldy qorytyndylap, ár salada úzdik eńbek nátıjesin kórsetken jerlesterin marapattady.
Pandemııa áser etse de 2020 jyl bizdiń aýdanymyz úshin tabysty jyl boldy. Aýdanda qurylys, ınvestısııa kólemi artty. Halyqtyń ál-aýqaty turaqty. Aýdan ortalyǵy men aýyldyq okrýgterde áleýmettik nysandar kúrdeli jóndeýden ótip, jańa qurylystar boı kóterdi. Kósheler jaryqtandyrylyp, aýylishilik joldar jóndeldi. Aýdan ekonomıkasy aýylsharýashylyq úshin qolaıly bolǵandyqtan agrónerkásip kesheni men kásipkerlik salasyn damytýda aýqymdy jumystar atqaryldy, -dedi saltanatty jınalsyta sóz alǵan aýdan ákimi Qalııar Aıtmuhambetov.
Bıyl aýdannyń Qadyrqul, Qyzyljar, Keńsýat, Bazartóbe, Jambyl, Bıtileý aýyldary taza aýyz sýmen qamtylsa, Jaıyq, Jańabulaq, Ilbishin aýyldaryna kire-beris joldar kúrdeli jóndeýden ótkizilgen. Sondaı-aq Oral-Atyraý kúre jolynan biraz alys jatqan Alǵabas aýylyna aparatyn 38 km joldyń qurylysy bastaldy. Ol keler jyly tolyq aıaqtalady. Sarman, Bıtileý, Aqbulaq, Esim, Tegisjol, Jańajol, Qaraǵaı, Toǵan, Jambyl, Úshtóbe, Bitik sekildi shaǵyn-shaǵyn 11 eldimekenge tabıǵı gaz qubyry tartylyp, aýdan turǵyndarynyń 100 paıyzy kógildir otynmen qamtyldy.
Bıyl Jambyl aýylynda mádenıet úıi kúrdeli jóndeýden ótti. Atameken aýylyndaǵy murajaı ǵımaratyna kúrdeli jóndeý jumysy júrip jatyr. Chapaev aýylyndaǵy 300 oryndyq Abaı atyndaǵy mektep-gımnazııanyń jańa ǵımaraty men 100 oryndyq ınternatynyń qurylysy aıaqtaldy. Sonymen qatar, Alǵabas aýylyndaǵy mektepke kúrdeli jóndeý júrgizildi.
Bıyl Aqjaıyq aýdany aqyn Juban Moldaǵalıevtyń 100 jyldyq mereıtoıyn pandemııaǵa qaramastan erekshe atap ótti. Chapaev aýylynda kásipkerlerdiń jáne sharýa qojalyqtardyń qoldaýymen Juban ortalyǵynyń ǵımaraty salyndy. Aqynnyń ǵasyr toıyna oraı kóptegen is-shara ótti.
Batys Qazaqstan