Forbes jýrnaly 2020 jyldyń qorytyndysy boıynsha materıaldyq turǵydan eń kóp tabys tapqan tulǵalardyń tizimi jarııalady. Solardyń qatarynda bes sportshy bar.
Sportshylar qaýymy arasyndaǵy eń baı-qýattysy Rodjer Federer eken. Bıylǵy jyly ataqty Shveısarııanyń tennısshisi 106,3 mıllıon AQSh dollary mólsherinde tabys taýyp, Forbes tiziminde úshinshi orynǵa jaıǵasty. Tórtinshi jáne besinshi oryndarda jasyl alańda jasyndaı jarqyrap júrgen qos juldyz – Krıshtıaný Ronaldý men Lıonel Messı taban tiredi. Portýgalııalyq fýtbolshy 105 mıllıonǵa baıysa, argentınalyq surmergeniniń odan bir mılıony ǵana kem.
Sondaı-aq, mol oljaǵa kenelgen sportshylar tiziminde brazılııalyq fýtbolshy Neımar (7 oryn, 95,5 mıllıon) men amerıkalyq basketbolshy Lebron Djeıms (9 oryn, 88,2 mılıon) syndy sańlaqtar bar.