Oblys ortalyǵynda onlaın-formatta «Táýelsiz Qazaqstan tarıh tolqynynda» halyqaralyq ǵylymı-praktıkalyq konferensııa ótti. Konferensııa jumysyna ǵalymdar, oblystyq QHA etnomádenı birlestikteriniń jetekshileri, ombylyq, samaralyq qazaqtar, jergilikti stýdentter qatysty.
Jıynǵa oblys ákimniń orynbasary Aızada Qurmanova qatysty. О́z sózinde Elbasy Nursultan Nazarbaevtyń el Táýelsizdigin nyǵaıtýdaǵy eńbegi týraly aıtyp ótti.
Al, 1986 jylǵy Jeltoqsan oqıǵasyna qatysqan, Toraıǵyrov ýnıversıteti E.Bekmahanov atyndaǵy ǵylymı-praktıkalyq ortalyqtyń dırektory Amantaı Qudabaev Táýelsizdik jáne qazaq halqynyń oǵan barar joldaǵy qıyndyqtary týraly tarıh sabaq jastardyń sanasynyń damýyna úlken áser etetinin atap ótti.
Sonymen birge, «Aq bulaq» qazaq jeksenbilik ulttyq mektebiniń pedagogy, Samara oblysynyń eńbek sińirgen mádenıet qyzmetkeri Aıgúl Jálelova Samarada qazaq balalaryna ana tilin, týǵan halqynyń salt-dástúrlerin úıretý úshin júrgizilip jatqan jumystar týraly aıtyp berdi.
– 2003 jyldan bastap Samara oblysynda «Aıgúl» halyq bı ansambli jáne «Marjan» halyq sán teatry jumys isteıdi, – dedi Aıgúl Jálelova. – «Marjan» sán teatry qazaqtyń ulttyq kıimderi negizinde sándik kolleksııalar ázirleıdi. Osy kolleksııalarmen sán teatry kóp jyldar boıy qalanyń úlken alańdarynda óner kórsetip, qazaqtyń ulttyq kıimderin balalar men jasóspirimderdiń óneri men shyǵarmashylyǵynyń keremet týyndysy retinde kórsetip, qazaq halqynyń mádenıetin nasıhattaıdy.
«Aq bulaq» mektebiniń pedagogtary «Ata mura» qazaq mádenıeti merekesi, «Qazaq sulýy», «Jigit sultany» baıqaýlary, «Altyn balapan» balalar sulýlyq konkýrsy jáne t.b. sııaqty týǵan halqynyń salt-dástúrlerin zerdeleý boıynsha kóptegen jobalardyń avtorlary bolyp tabylady.
Ombydaǵy «Móldir» qazaq mádenıeti ortalyǵynyń múshesi Murat Sholaqov dombyrada oınaýdy úırenip, týǵan halqynyń dúnıetanymynyń tereńdigin túsine alǵanyn aıtty. Sondaı-aq ol óz baıandamasynda Reseı aýmaǵynda turatyn qazaq jastary úshin ana tili men ult mádenıetin zerdeleý mańyzdy ekenin atap ótti.
Pavlodar oblysy