Kýveıt memleketiniń Qazaqstandaǵy elshiligi men Azııa musylmandary Komıtetiniń elimizdegi ókildigi oblystyq «Túrkistan-Qoja Ahmet Iаssaýı» meshitine 2 myń dana Quran tartý etti. Qasıetti kitap aýdan, qala, aýyl meshitterine, medrese-kolledjderge, kitaphanalarǵa taratyldy, dep habarlaıdy Egemen.kz
Oblys ımamy Musabek Aqtamberdi Kýveıt memleketiniń tótenshe jáne ókiletti elshisi Tarek Abdýlla ál-Faraj myrza men Azııa musylmandary Komıtetiniń ókilderine rızashylyǵyn bildirdi.
«Qurannyń maǵynasyn túsinetin adamnyń Allanyń eskertýlerin oqyǵanda kózine jas almaýy múmkin emes. Elimizde din atyn jamylǵan aǵymdarǵa ergender Qurannyń maǵynasyn bilmegendikten adasyp júr. Qurannyń tilin bilgenimen, maǵynasyn túsinbeı qıyndyqqa dýshar bolǵan», dedi QMDB Túrkistan oblysy boıynsha zeket ókili Erkin Polatov.
Ustazdar Qurannyń aýdarmasyn kóp oqyǵan adamdar súrelerdi ońaı jattaıtynyn aıtady. Ári sózdik qor jınaýǵa jol ashady. Aıta keteıik, Kýveıt elshiligi men Azııa musylmandary Komıteti tarapynan jylyna birneshe ret qaıyrymdylyq ótkiziledi. Sondaı-aq, ilkimdi jobalar júzege asyrylyp keledi.
Túrkistan oblysy