Sybaılas jemqorlyqqa qarsy qyzmet para alý faktisi boıynsha QR Qorǵanys Mınıstrligi Kadr departamentiniń burynǵy bastyǵy general-maıor Q.R. Kópbaevqa qatysty qylmystyq isti aıaqtady, dep habarlaıdy Egemen.kz
2019 jyldyń mamyr aıynda general-maıor Kópbaevtyń Aqtóbe qalasy «T.Bıgeldınov atyndaǵy Áýe qorǵanysy kúshteriniń Áskerı ınstıtýty» RMM-ne ofıserlik laýazymǵa taǵaıyndaǵany úshin 200 myń teńge somasynda para alǵany anyqtalǵan edi.
Aqmola garnızony Áskerı sotynyń úkimimen Q.R.Kópbaev memlekettik qyzmette laýazym atqarý quqyǵynan ómir boıyna aıyra otyryp, 5 jylǵa bas bostandyǵynan aıyryldy.
Sonymen birge sot Qazaqstan Respýblıkasy Prezıdentiniń atyna Kópbaevty general-maıor áskerı ataǵynan jáne «Qurmet» ordeninen aıyrý týraly usynys engizedi.