О́tken táýlikten beri qar jaýyp turǵan Almaty kóshelerinen 230 tekshe metr qar shyǵaryldy. Bul týraly qala ákimdiginiń baspasóz qyzmeti málimdedi, dep habarlaıdy Egemen.kz.
Almaty qalasynda 21 jeltoqsan saǵat 6.00-degi jaǵdaı boıynsha 6 sm-ge deıin, al shahardyń taýly aımaqtaryna 8-10 sm qar túsken.
Kóktaıǵaqtyń aldyn alý úshin qar jaýǵan kezden bastap joldarǵa, qıylystarǵa, jolaıryqtardyń kireberisine, taý bókterine jáne taýly aımaqtarǵa kóktaıǵaqqa qarsy materıal sebilip, qar tazalandy. Oǵan 4 100 tonna materıal paıdalanylǵan.
Ákimdiktiń habarlaýynsha, trotýarlardy, jaıaý júrginshiler aımaqtaryn, qoǵamdyq kólik aıaldamalaryn, avtoturaq qaltalaryn tazartý jumystary jalǵasyp jatyr.
Jaıaý júrginshi aımaqtary men taýly aýdandarda qar tazalaý jumystary uıymdastyryldy. Tańǵy saǵat 6.00-de 230 tekshe metr qar úıindisi shyǵarylǵan.
Búgin qar kúreý jumystaryna 596 tehnıka jáne 1 610 jol jumysshysy jumyldyryldy.
Aýdandyq ákimdikter men qala ákimdiginde jumys barysyn táýlik boıy baqylaıtyn kezekshilik uıymdastyrylǵan.
Qazgıdromettiń boljamy boıynsha búgin Almatyda aýa temperatýrasy kúndiz -6, keshke qaraı -8 bolady. Qar túske deıin toqtaıdy.