Qazaqstan Respýblıkasynyń Premer-Mınıstri Asqar Mamın Reseı Federasııasy Úkimetiniń Tóraǵasy Mıhaıl Mıshýstınmen telefon arqyly sóılesti.
Taraptar Qazaqstan Respýblıkasynyń Prezıdenti Qasym-Jomart Toqaev pen Reseı Federasııasynyń Prezıdenti Vladımır Pýtın arasyndaǵy COVID-19 taralýyna jol bermeý jónindegi birlesken sharalar týraly ýaǵdalastyqtardyń praktıkalyq iske asyrylýyn talqylady.
Úkimet basshylary búgin Qaraǵandy qalasynda iske qosylǵan «Spýtnık V» vaksınasynyń óndirisi jáne qazaqstandyqtardy aldaǵy vaksınasııalaý QR-daǵy turaqty sanıtarlyq-epıdemıologııalyq jaǵdaıdy saqtaýǵa úlken úles qosatynyn atap ótti.
Áńgimelesý kezinde sondaı-aq saýda-ekonomıkalyq jáne kólik salalaryndaǵy ekijaqty yntymaqtastyqtyń, ónerkásiptik kooperasııany damytý jáne EAEO aıasyndaǵy ózara is-qımyldyń ózekti máseleleri qaraldy.