Qyzylorda oblysy Qazaly aýdany Bekarystan bı aýylyndaǵy aýyz sý servıstik jelige qosyldy. Bul másele Elbasynyń bastamasymen qolǵa alynǵan «Aýyl – el besigi» arnaıy jobasy aıasynda júzege asyp otyr, dep habarlaıdy Egemen.kz.
Nátıjesinde eldi mekendegi 3 áleýmettik nysan men 454 turǵyn úıge aýyz sý tartyldy. Osylaısha buǵan deıin birshama qıynshylyqtardy kórgen turǵyndar baspanalaryna sý kirgizip aldy.
Aıta keteıik, jyldyń basynda Qazaly aýdanynda aýyz sý servıstik jelige qosylmaǵan 3 eldi meken bolatyn. Búgingi kúni olardyń sany ekeýge qysqaryp otyr. Qazir Janqoja batyr men Maıdakól aýyldaryndaǵy aýyz sýdy servıstik jelige qosý jumystary bastalyp ketti. Ondaǵy qurylys jumystary kelesi jyly aıaqtalady.