IT-jobalardy shetelge ilgeriletý úshin eksporttyq ınkýbatordy Nazarbaev Ýnıversıtetiniń janynan qurý josparlanýda. Bul usynysty Elbasy akademııasynyń ózgeristerdi basqarý jónindegi salalyq menedjerlerdi daıarlaý baǵdarlamasynyń «Saýda jáne logıstıka» komandasynyń qatysýshylary jasady.
Ideıa avtory – «NAC ANALYTICA» Nazarbaev Ýnıversıtetiniń aǵa ǵylymı qyzmetkeri Azat Aıtýar. Onyń pikirinshe, kompanııa qurý kezinde árbir IT-kásipker eksporttyń úlken naryǵyna shyǵýdy josparlaýy kerek. Eger joba men onyń ıdeıasy erekshe bolsa, onda bul kompanııanyń qysqa merzimde damýyna kómektesedi. О́ıtkeni IT-sektor óz máni boıynsha eleýli logıstıkalyq shyǵyndardy talap etpeıdi.
«Memlekettiń eksporttyq ıdeıalarǵa bastapqy kezden bastap qoldaý kórsetýi óte mańyzdy. Sebebi óz ereksheligine ıe jobalardyń eksportqa shyǵý múmkindigi zor. Eldegi kóptegen iri kompanııalar batystyq ıdeıany kóshirdi nemese jergilikti naryqqa beıimdelgen jobalaryn damytýdy uzaq ýaqyt júrgizgen. Osy ýaqyt ishinde osyndaı ıdeıaǵa ıe sheteldik kompanııalar iri naryqta aýqymdy únemdeýge qol jetkizdi. Al bizdiń kompanııalar baǵa nemese sapa jaǵynan olarmen básekege túse almaıdy», dedi A.Aıtýar.
– Jospar boıynsha «Eksporttyq ınkýbator» jobasy eki kezeńde júzege asyrylady. Birinshisi, áleýetti kásipkerlerge arnalǵan onlaın-alań qurý. Munda ıdeıańyzdy taldaýǵa qajet bilim beriledi. Kásipker jobasynyń qanshalyqty tıimdi ekenin, qanshalyqty oryndy ekenin anyqtaıdy jáne nátıjesinde óziniń bolashaq kompanııasynyń eksporttyq strategııasyn rásimdeıdi. Ekinshi kezeń – eksporttyq ınkýbatorǵa qatysý úshin eń jaqsy strategııalardy tańdaý. Olardyń negizinde biz biregeı, perspektıvaly ıdeıalardy tańdap, olardy eksportqa shyǵarý úshin qoldaı alamyz, – dep atap ótti sarapshy.
Inkýbatordyń negizgi mindeti – kásipkerlerdi eksporttyq akseleratorǵa – memlekettik qoldaý baǵdarlamasyna daıyndaý. Eksporttyq ınkýbatorda oqýdy aıaqtaǵannan keıin kásipkerler ózderiniń eksporttyq strategııasyn aıaqtaıdy jáne qaı naryqta óz taýaryna suranys bolatynyn, oǵan qandaı baǵamen kirý kerek jáne óz taýarlaryn qalaı ornalastyrý keregin biledi. Budan ári eksporttyq akseleratordyń jumys istep turǵan baǵdarlamasynda kásipkerge taýarlar men qyzmetterdi sheteldik naryqtarǵa jyljytýda jáne áleýetti seriktestermen jáne klıenttermen kelisimsharttar jasasý úshin nysanaly naryqtarda kezdesýler uıymdastyrýda kómek kórsetiletin bolady.