Byltyrmen salystyrǵanda osy jyly Qyzylordada qylmys túrleriniń azaıǵany anyq baıqalady. Degenmen de polıseıler alaıaqtyq jasap, jurtty aldaǵandardyń jıilep ketkenin aıtyp otyr.
О́zine sengen jurttyń qaltasyn qaǵýdy oılaıtyndar ádis-aılalaryn da «jetildirip» alǵan. Olardyń qatarynda qyz-kelinshekterdiń kóptigine de kóz úırenip barady.
Oblys ortalyǵynan jańa páter alýdy josparlap júrgen qala turǵyny osy jyldyń tamyz aıynda osyndaı bir alaıaqtyń arbaýyna túsipti. «Jańa aýdannan jaıly páter alýǵa, onyń qujattaryn rásimdeýge kómektesemin» degen áıeldiń sózine shúbásiz sengen turǵyn oǵan 3 mln teńgeni shytyrlatyp sanap bergen. Kóp uzamaı kóńiline kúdik kirip, bergen aqshasyn qaıta surapty. Alaıaq áıel alǵanynyń 1 mln teńgesin ǵana qaıtaryp, qalǵanyn keıin bermekke ýáde etedi. Kesimdi merzim uzap bara jatqan soń aldanǵanyn anyq sezgen turǵyn 27 qarashada Qyzylorda qalalyq polısııa basqarmasyna alaıaqtyq deregine qatysty aryz túsiripti.
Qyzylorda qalalyq Polısııa basqarmasy qyzmetkerleri júrgizgen jedel-izdestirý sharalarynyń nátıjesinde oblys ortalyǵynyń 57 jastaǵy turǵyny ustaldy. О́zine qatysty eshqaıda ketpeý jáne ózin durys ustaý týraly qolhat túrinde bultartpaý sharasy qoldanylǵan kúdikti jasaǵan is-áreketin tolyq moıyndap otyr.
Qazir alaıaq áıeldiń ústinen Qylmystyq kodekstiń 190-babynyń 1-bóligi boıynsha sotqa deıingi tergep-tekserý júrgizilýde.
QYZYLORDA