Qurlyqtyq hokkeı lıgasynyń (QHL) kezekti týr oıynyn Tómeńgi Novgorodta «Torpedoǵa» qarsy ótkizgen «Barys» overtaımda jeńiske jetip, óz jankúıerlerin qýantty.
Bul kezdesý qos komanda úshin de mańyzdy edi. Sebebi, jarys kestesinde olar qatar keledi. Iаǵnı, osy joly jeńgen ujym pleı-offqa bir qadam jaqyndaı túsedi. Sony qaperge myqtap túıegen oıynshylar muz aıdynynda baryn saldy. Alǵashynda qonaqtar alymdy kórindi. 16-mınýtta Mettıý Frettın, ile-shala Darren Dıs qos goldy qaqpaǵa toǵytsa, kóp uzamaı Anton Shenfeld esep aıyrmashylyǵyn qysqartty. Úzilisten keıin jaǵdaı ózgergen joq. Úshinshi kezeńniń aıaqtalýyna bir mınýttan sál ǵana asa ýaqyt qalǵanda Mıhaıl Varnakov tarazy basyn teńestirdi.
Al qosymsha ýaqyt bastalǵan bette Iаkýb Lılıa soqqan shaıba qazaqstandyq komandaǵa jeńis syılady – 3:2. О́ziniń kelesi oıynyn «Barys» 23 jeltoqsan kúni Ombyda «Avangardqa» qarsy ótkizedi.