Tennısshilerdiń álemdik reıtıngi qaıta jańartyldy. Jerlesterimizdiń deni ATR jáne WTA tizimderindegi ózderiniń buǵan deıingi oryndaryn saqtap qaldy.
Atap aıtsaq, áıelder arasyndaǵy elimizdiń birinshi raketkasy Elena Rybakına 19-oryndy oljalaýda. Qazaqstandyq tennısshiler arasyndaǵy eń úzdik nátıje ázirge osy. Iýlııa Pýtınseva 28-orynǵa jaıǵassa, Zarına Dıas 80-satyǵa taban tiredi. Qazirgi kezde WTA tiziminde aýstralııalyq Eshlı Bartı jeke-dara kósh bastap tur.
Erler arasynda búgingi tańda Serbııanyń sańlaǵy Novak Djokovıchke teń keler eshkim joq. Al «TOP-100» oıynshynyń qataryna Qazaqstannyń qos ókili enip otyr. Olar – Aleksandr Býblık (50-oryn) pen Mıhaıl Kýkýshkın (89-oryn).