Búgin, 22 jeltoqsan saǵat 20:00-de Nur-Sultanda qalanyń barlyq jańa jyldyq shyrshalary janady, dep habarlaıdy Egemen.kz elorda ákimdiginiń baspasóz qyzmetine silteme jasap.
Qala aýmaǵynda olardyń sany 30-dan asady. Habar telearnasy "Ǵajaıyp shyrsha" qysqametrajdy fılmin 19:50-de kórsete bastaıdy, al 20:00-de EKSPO-da ornalasqan bas shyrshany jaryqtandyrýǵa arnalǵan daıyndalǵan beınerolık kórsetiledi.
On mınýttyq fılmniń ózi birneshe novelladan turady: ıgi ister, janýarlarǵa degen súıispenshilik pen qamqorlyq, ata-analarǵa degen qurmet pen qamqorlyq, otbasylyq qundylyqtar.
Sondaı-aq 22 jeltoqsanda "Úıdegi shyrshany bezendirý" fleshmoby aıasynda azamattardy 22 jeltoqsanda saǵat 20.00-de óz úılerinde shyrshany jaǵýǵa qatysýǵa shaqyratyn beınerolık jarııalandy. Bul fleshmobqa kez-kelgen adam telefonǵa vıdeo nemese foto túsirip, áleýmettik jelilerge ornalastyra otyryp, Nur-Sultan ákimdiginiń paraqshasyn belgileı otyryp, #Meıirimdibolýádet, #Dobrotaobrazjıznı, #Modnobytdobrym heshtegimen jarııalaı alady.
Jańa jyl qarsańynda elorda turǵyndary úshin beıne quttyqtaýlar uıymdastyrylady. Oǵan tanymal adamdar, qazaqstandyq estrada juldyzdary, akterler jáne t.b. qatysady.