Keler jyldyń naýryz aıynan bastap aımaqqa vaksınanyń 80 myń dozasy kezeń-kezeńimen ákelinip, egý jumystary bastalady. Búginde daıyndyq jumystary júrýde. Sondaı-aq, vaksınany saqtaıtyn arnaıy konteınerlerdiń sany naqtylanyp jatyr. Bul týraly óńirlik kommýnıkasııalar qyzmetiniń aqparattyq alańynda ótken brıfıngte oblystyq densaýlyq saqtaý basqarmasynyń basshysy Sábıt Pazylov málimdedi.
«Birinshi kezekte erikti túrde medısına qyzmetkerlerine, pedagogterge, sozylmaly aýrýlarmen aýyratyn toptaǵy adamdarǵa ekpe jasalady. 65-ke deıingi adamdarǵa salynady. О́ıtkeni, vaksına sol jas aralyqtaǵy adamdarǵa ǵana áser etedi. Aıta keteıin, adamdarmen jıi baılanysta bolǵannan keıin vaksınany birinshi kezekte ózimde saldyramyn», dedi Sábıt Bekseıituly.
Sonymen qatar, 3500 medısına qyzmetkeriniń rezervi quryldy. Buǵan qosa, oblysta 9 PTR apparaty jumys jasap, táýligine 1200-1300-den astam synama alynýda. Qajettilik týyndaǵanda zertteý sanyn 1900-ge deıin jetkizýge bolady.