Almatyda «Ǵajaıyp aıaz ata» aksııasy bastaldy. Aksııa aıasynda qala eriktileri 700-den astam jalǵyz basty zeınetkerge jańa jyldyq syılyqtar usynady, dep habarlaıdy Egemen.kz.
Almaty qalasynyń О́ńirlik kommýnıkasııalar qyzmetiniń alańynda osy ıgi isti ótkizý boıynsha onlaın-brıfıng ótti.
Baspasóz jıynyna Almaty meıirimdiler klýbynyń ókili Madına Myrzahmetova, Qazaqstan eriktiler lıgasynyń Almaty fılıalynyń tóraıymy Baǵdat Anarbaeva, Lıder.Kz ókili Blas Dılmıra, Qazaqstan Qyzyl jarty aı qoǵamynyń ókili Ibragımova Lázzat qatysty.
Aksııa 2 kezeńnen turady: 23-25 jeltoqsan aralyǵynda eriktiler azyq-túlik jınap, ólshep-oraıdy. Odan keıin 30 jeltoqsanǵa deıin zeınetkerler úshin azyq-túlik pen merekelik syılyqtardy taratyp, jetkizip berý uıymdastyrylady.
Sharany qolǵa alǵandar jańa jyl qarsańynda jalǵyz qalǵan ata-ájelerge jaqsy kóńil-kúı syılaý kerek dep sanaıdy. Dál osy sebepti tańdaý adamdardyń osy aýdıtorııasyna tústi.
Qazirgi ýaqytta qala eriktileri 59 jastan asqan 700-den astam jalǵyz basty zeınetkerge jańa jyldyq syılyqtar usynýdy josparlap otyr. Aksııa barysynda bul san ósýi múmkin.
Aıta ketý kerek, barlyq qala turǵyny, kásipkerler jáne beı-jaı qaramaıtyn adamdar osy aksııaǵa qatysyp, óz úlesin qosa alady. Syılyqtar men azyq-túlik ónimderi Baıtursynov kóshesi, 22k-1 mekenjaıy boıynsha qabyldanady.