QR Premer-Mınıstri Asqar Mamınniń tóraǵalyǵymen jáne QR Parlamenti Májilisiniń Tóraǵasy Nurlan Nyǵmatýlınniń qatysýymen ótken Jańǵyrtý jónindegi ulttyq komıssııanyń selektorlyq otyrysynda «QR Tuńǵysh Prezıdenti – Elbasy N. Nazarbaevtyń bes ınstıtýsıonaldyq reformasyn iske asyrý jónindegi 100 naqty qadam» ult josparyn oryndaý boıynsha 2020 jylǵy jumys qorytyndysy shyǵaryldy.
Atqarylyp jatqan jumystar týraly ulttyq ekonomıka mınıstri R. Dálenov, qarjy mınıstri E. Jamaýbaev, ındýstrııa jáne ınfraqurylymdyq damý mınıstri B. Atamqulov, mádenıet jáne sport mınıstri A. Raıymqulova, bilim jáne ǵylym mınıstri A. Aımaǵambetov, densaýlyq saqtaý mınıstri A. Soı, aqparat jáne qoǵamdyq damý mınıstri A. Balaeva jáne basqa da jaýapty tulǵalar baıandady.
Búgingi tańda Ult josparynyń 100 qadamynyń 71 qadamy, onyń ishinde bıyl 9 qadamy iske asyryldy.
«Memleket basshysy Qasym-Jomart Kemeluly Toqaev óziniń 2020 jylǵy 1 qyrkúıektegi Joldaýynda Ult jospary men Bes ınstıtýsıonaldyq reforma aıasynda QR Tuńǵysh Prezıdenti – Elbasy Nursultan Ábishuly Nazarbaevtyń reformalaryna eleýli serpin berý qajettigin atap ótti. Bıyl aıtarlyqtaı jumys júrgizilip, jaqsy nátıjelerge qol jetkizildi», — dedi A. Mamın.
Premer-Mınıstr Ult josparyn tolyq ári sapaly júzege asyrý boıynsha belsendi jumysty odan ári júzege asyrýdy tapsyrdy. Investısııalar tartý kólemin, birinshi kezekte, jańa jumys oryndaryn qurýdy qamtamasyz etetin ekonomıkanyń basym sektorlaryndaǵy jańa iri jobalarǵa arttyrý boıynsha tarmaqtarǵa erekshe nazar aýdaryldy.
Otyrysta Ulttyq komıssııanyń kelesi jyly «Kásibı memlekettik apparatty qalyptastyrý» men «Indýstrııalandyrý jáne ekonomıkalyq ósim» baǵyttary boıynsha Ult josparynyń 10 qadamyn iske asyrýdy kózdeıtin 2021 jylǵa arnalǵan jumys jospary bekitildi.