Halyq teatrlary halyqaralyq festıvalda top jardy

Mysaly, jaqynda ǵana qaı­ta qurylǵan «Qaradala» jáne «Hantáńiri»  halyq teatrlary alǵashqy óner jarysynan ol­jaly oraldy. Uıǵyr aýda­nyndaǵy óner ujymy baı­qaýda Gran-Prı ıelense, Raıymbek aýdanyndaǵy ónerli jas­tardyń qatysýymen ashylǵan shyǵarmashylyq top birinshi oryn aldy. Qos ujym Germanııanyń Maındaǵy Frankfýrt qalasynda ótken «Jyldyń besinshi maý­symy» atty onlaın festıvalǵa Abaıdyń «Eskendir» poema­sy negizinde jasalǵan spektakl men  aqıyq aqyn Muqaǵalı Maqataev­tyń «Aqqýlar uıyqtaǵanda» poe­tıkalyq-sazdy dramasyn usyn­ǵan eken. «Qaradala» men «Hantáńiriniń» óneri halyq­a­ralyq dárejedegi óner sheber­leriniń kóńilinen shyǵyp, birden qos júldeli oryndy jeńip aldy.

Jalpy, bıylǵy onlaın baı­qaýǵa álemniń birneshe eli­nen kásibı drama teatrlary qatysypty. Onyń ishinde Qy­rym­nyń mýzykalyq teatry, Kıprdiń «Dell Art» teatry, Eýro­panyń birneshe plastıkalyq teatry jáne eki ádebı teatr, bir hor teatry jáne basqa da teatr-stýdııalar men balalar teatr­larynyń óneri synǵa túsken. Súıinerligi, Germanııa, Reseı, Belarýs elderiniń teatr syn­shylary qazylyq etken festı­valda Jetisýdyń jańadan ashyl­ǵan halyq teatrlarynyń qo­ıy­lymy top jardy. 

Halyq teatrlarynyń halyq­aralyq baıqaýǵa qatysýyna belgi­li óner qaıratkeri, akter, rejıs­ser Asqar Naımantaev uıyt­qy bolǵan eken. Jal­py, jetisýlyqtar Asqar Naıman­taev­tyń eńbegin bıyl tusaýy ke­silgen Raıymbek aýdany men Uıǵyr aýdanyndaǵy áýes­qoı óner ujymdarynyń uıym­das­tyrýshy retinde joǵary baǵa­laıdy. Onlaın festıvalǵa da osy eki teatrdyń qatysýyna óz ba­tasyn beripti. Táýelsiz jarys bolǵasyn qatysýshylar qo­maqty jarna tóleýge mindetti bol­ǵan. Al qajetti qarajatty «Hantáńiri» teatryn qanatynyń astyna alǵan Raıymbek aýdandyq mádenıet úıiniń dırektory Erkin Rahymjan men «Qaradala» teatry­nyń noqta ıesi, Uıǵyr aýdan­dyq mádenıet úıiniń dırektory Saltanat Ermuhambetova demeý­shilerge júginip júrip tapqan eken.

– Bul baıqaýdy uıymdas­tyrýshylardyń saıtynda­ bu­ryn­nan tirkelgen edim. Fes­tıval kópjanrly baıqaý retin­de qy­zyqtyryp júrgen-di. Ári baı­qaýǵa kásibı ǵana emes áýesqoı, stýdenttik tipti balalar teatr­lary da qatysa alady eken. Shar­tyn túgel oryndap, eki teatrdy tirkedik. Bizdiń spektaklder eýro­palyqtarǵa tyń taqyryp bol­ǵandyqtan, suraq kóp boldy. Abaıdyń «Eskendir» poe­ma­syn E.Vınokýrov degen adam orysshaǵa aýdarǵan eken, sony taýyp alyp, qazylarǵa jiber­genmin. Eýropalyqtarǵa Eskendir týraly ańyz qyzyqty eken, bizdiń qoıylymdy tyń ja­ńalyq dep qabyldady. Al, Muqaǵalıdyń «Aqqýlar uıyq­taǵanda» shyǵarmasyn óz sózim­men qysqasha mazmundap jazyp jibergen edim, qazylarǵa túsi­nikti bolý úshin. Qoıylym unap­ty. Joǵary baǵa aldy. Aıt­paqshy, men ótinish anketasyna eki teatr­dy da «halyq teatry» demeı, «teatr» dep jibergen edim. En­di ony tolyq jazýǵa  an­­keta pa­raǵyndaǵy oryn tar boldy... Esesine, qazylar alqa­sy «Eki birdeı mýzyka ári dra­ma teatry­n ashypsyńdar, bul tamasha jetistik» dep tilek­testik bildiripti. Osylaısha, Germa­nııanyń Maındaǵy Frankfýrt qalasynda ótken «Jyldyń besin­shi maýsymy» atty onlaın fes­tıvaliniń bas júldesi men birinshi orny aýyldaǵy ónerli aǵaıynǵa buıyrdy, – deıdi Asqar Naımantaev.

Almaty oblysy