Nur-Sultan qalasynyń ákimi Altaı Kólginov elordalyq muǵalimderdi áleýmettik qoldaý týraly aıtty, dep habarlaıdy Egemen.kz.
Kólginovtiń aıtýynsha, muǵalimderdiń jalaqysy jyl saıyn 25%-ke ósedi. Sondaı-aq, olardyń turmystyq jaǵdaıyn jaqsartý boıynsha da sharalar qabyldanyp jatyr.
«Muǵalimder bilim sapasyn ǵana oılaýy úshin oqý oryndaryn júıeli túrde salý kerek. Bıyl mektep qurylysy qarqynynyń artýyna baılanysty úsh aýysymdy mektepter sanyn 8-den 4-ke deıin, toly rejımdegi mektepterdi 22-den 14-ke deıin azaıta aldyq», dep jazdy qala ákimi.
Sonymen qatar 5 jyl kezeńge arnalǵan keshendi jospar aıasynda 50 memlekettik mektep qurylysy josparlanyp otyr.
Ustazdardyń baspana jaǵdaıyn sheshý úshin de sharalar qabyldanady.
«Memleket basshysy «Pedagog mártebesi týraly» zań qabyldady. Bıylǵy 1 qańtardan bastap muǵalimderdiń jalaqysy 25%-ǵa ósti, aldaǵy jyldary da eńbekaqy artady. Turǵyn úı sertıfıkattary tegin beriledi. Qazaqstan ıpoteka kompanııasymen birlesip, bir myń áleýmettik páter tapsyramyz. Olardy alýshylar qatarynda bilim salasynyń mamandary da bar. 2019 jyly muǵalimderge jataqhana salyp berdik», dedi ol.
Ákimniń aıtýynsha, «Muǵalim» mamandyǵy boıynsha granttar sanyn kóbeıdi, tegin bilimge shamamen 900 grant bólindi.