Ábý Dabı qalasynda QR Elshiliginiń uıymdastyrýymen, Túrkistan oblysynyń ákimi О́mirzaq Shókeev pen Halıfa ben Zaıd Ál Nahaıan qaıyrymdylyq qorynyń Bas dırektory Muhammed Hadjı ál-Hýrıdiń kezdesýi ótti.
Kezdesý barysynda taraptar ekijaqty gýmanıtarlyq yntymaqtastyqtyń damý máselelerin talqylady.
Kelissózder qorytyndysy boıynsha Ákimdik pen Qaıyrymdylyq qory arasynda Túrkistan qalasynda sheıh Muhammed ben Zaıd Ál Nahaıan atyndaǵy «Ana men bala ortalyǵyn» jobalaý jáne salý boıynsha ózara túsinistik Memorandýmyna qol qoıyldy.
Qaıyrymdylyq jobasy jergilikti densaýlyq saqtaý júıesin jaqsartýǵa baǵyttalǵan jáne Ámirlikter qorynyń medısınalyq mekemeni salýdy jáne barlyq qajetti jabdyqtarmen qamtamasyz etýdi qarjylandyrýyn kózdeıdi.
Gýmanıtarlyq grantty bólý ekijaqty dostyq qatynastardyń jáne Qazaqstan Respýblıkasynyń Tuńǵysh Prezıdenti – Elbasy Nursultan Nazarbaev pen Birikken Arab Ámirlikteriniń Prezıdenti sheıh Halıfa ben Zaıd Ál Nahaıan arasyndaǵy qol jetkizilgen ýaǵdalystyqtardyń arqasynda múmkin boldy.
Túrkistan oblysynyń ákimdigi nysandy turǵyzý úshin qala ortalyǵynda qajetti jer ýchaskesin bóledi jáne ony barlyq ınjenerlik ınfraqurylymmen qamtamasyz etedi.
Taraptar balalar aýrýhanasynyń qurylysyn jaqyn arada bastaý nıeti men josparyn rastady.