Maqtaaral aýdanynyń prokýratýrasy men "Atameken" kedendik beketiniń qyzmetkerleri jedel izdestirý sharalary barysynda Qazaqstan Respýblıkasynan О́zbekstan Respýblıkasyna 7 jasandy tynys alý apparatyn kontrabandalyq jolmen jetkizbek bolǵan tulǵalardy quryqtaǵan edi, dep habarlaıdy Egemen.kz
Kúni keshe Maqtaaral aýdanynyń ákimi Baqyt Asanov pen aýdannyń prokýrory Jumaǵalı Botabekov kontrabandashylardan tárkilengen jasandy tynys alý apparattaryn "Myrzakent" jáne "Atakent" aýdandyq aýrýhanalarynyń basshylyǵyna tabys etti.
Atap aıtqanda, 5-eýin "Myrzakent" aýdandyq aýrýhanasyna, 2-eýin "Atakent" aýdandyq aýrýhanasynyń balansyna ótkizip berdi.
"Koronavırýs ınfeksııasy asqynǵan jaǵdaıda adamnyń ókpesindegi tynys alý joldaryn zaqymdaıdy. Naýqasqa ottegi jetispeı qınalady. Mine, osyndaı jaǵdaıda tynys alý apparattarynyń mańyzy zor. Sondyqtan bul qurylǵylarǵa degen suranys óte joǵary jáne osyndaı zańsyzdyqtardyń aldyn ala otyryp naýqastarǵa óte qajetti qurylǵylardy bizdiń mekememizge tabys etken prokýratýra qyzmetkerlerine alǵys bildiremiz", deıdi "Myrzakent" aýdandyq aýrýhanasynyń bas dárigeriniń orynbasary Nurjan Nurashev.