Pavlodar oblysynda zańsyz aýlanǵan 350 keli balyq tárkilendi, dep habarlaıdy Egemen.kz. Polısııanyń habarlaýynsha, iri kólemdegi balyq Shyǵys Qazaqstan oblysy turǵynynan tabyldy.
2020 jyldyń 20 jeltoqsanynda Pavlodar oblysynyń polısııa departamenti tabıǵatty qorǵaý polısııasy qyzmetkerleri Maı aýdanyndaǵy reıd kezinde Qaraterek aýylynyń janyndaǵy Lenın-Kýrchatov avtojolynda ÝAZ avtokóligin toqtatqan.
Kólikti Shyǵys Qazaqstan oblysynyń turǵyny aıdap kele jatqan. Tekserý kezinde avtokólik salonynan tıisti qujattary joq iri kólemdegi móńke balyq pen tor tabyldy. Kólik júrgizýshisinen jalpy salmaǵy 350 keli balyq, sondaı-aq uzyndyǵy 100 metr tor tárkilendi.
Atalǵan fakt boıynsha QR QK-niń 335-babynyń 3-bóligi negizinde (balyq, basqa da sý janýarlaryn nemese ósimdikterin zańsyz alý) sotqa deıingi tergeý bastaldy.