Atyraýda Táýelsizdik kúni merekesi qarsańynda energetıka jáne qurylys kolledjiniń stýdentteri úshin 100 oryndyq jataqhana ashyldy. Jańa jataqhana Elbasy – Tuńǵysh Prezıdenttiń bes áleýmettik bastamasy aıasynda boı kótergen edi.
Onyń qurylysyna «Teńizshevroıl» JShS «Igilik» áleýmettik baǵdarlamasy arqyly qarjy bóldi. Tórt qabatty jataqhana bólmeleri kúndelikti turmysqa qajetti jabdyqtarmen qamtamasyz etilgen. Munda stýdenttermen birge jas otbasylar da tura alady. Ár qabatta 4 teledıdar men 12 avtomatty kir jýý mashınkasy bar.
– О́ńirdegi 24 tehnıkalyq jáne kásiptik bilim beretin kolledjderde 15 myńnan astam stýdent bilim alady. Olardyń jataqhanaǵa suranysyn 2022 jylǵa deıin sheshýdi kózdep otyrmyz. Elbasynyń «Bes áleýmettik bastama» Úndeýindegi tapsyrmasyna sáıkes, 2018 jyly arnaıy jol kartasy qabyldandy. Sonyń aıasynda eki jataqhananyń qurylysy aıaqtaldy. Al Atyraý qalasy jáne Inder men Jylyoı aýdandarynda kolledj jataqhanalary salynyp jatyr, – dedi aımaq basshysy Mahambet Dosmuhambetov.
Qazir atalǵan kolledjde 773 stýdent oqıdy. Onyń 189-y – aýyldyq eldi mekenderdiń jastary. Sondaı-aq ınjener-oqytýshylar quramyndaǵy 93 mamannyń jıyrmasy ózge óńirler men aýyldardan kelipti.