Qazaqstanda ótken táýlikte koronavırýs ınfeksııasynan toǵyz adam, koronavırýs belgileri bar pnevmonııadan eki adam qaıtys boldy, dep habarlady densaýlyq saqtaý mınıstrligi.
Bir táýlik ishinde 754 adam koronavırýs ınfeksııasyn juqtyrdy, 156 adam pnevmonııaǵa shaldyqty.
24 jeltoqsandaǵy málimet boıynsha, 24 126 adam koronovırýs ınfeksııasynan emdelýde, olardyń ishinde 4 630 pasıent stasıonarda, 19 496 naýqas ambýlatorııalyq deńgeıde em qabyldap jatyr.Naýqastardyń arasynda 231 adamnyń jaǵdaıy aýyr, 47 pasıenttiń jaǵdaıy óte aýyr dep baǵalanyp otyr. 42 naýqas jasandy tynys alý apparatynda jatyr.
Pandemııa bastalǵannan beri barlyǵy 149 462 adam koronavırýs juqtyrdy, 1 tamyzdan bastap 44 951 adam pnevmonııaǵa shaldyqty.
Koronavırýstan 2 218 adam, pnevmonııadan 483 adam qaıtys boldy.